Monday, March 12, 2007

如果你是他們 If You Were Them

我們嘴巴嚷著Blog只是一種載具,題材能容百川時,心底裡總會隱隱地蔑視那些只懂寫日記的博客,尤其那些語言不齊的Xanga一族。就如一個在天水圍成長的少女,從前只會留連元朗廣場。一朝龍穿鳳,出入中環金鐘,也就連MK仔亦看不上眼。

我的Blog甚少寫日記。我也認為自己寫的雜文優於一般的Xanga少年。但這是應份的,因為文章反映經驗知識,既然是重量級與輕量級比拼,怎無不勝之理?但我總會想到,若然能夠回撥生命的時鐘,重返青蔥歲月,大家「咁高咁大」,我就寫不過他們。記得中學時代,我連功課也懶交,遑論寫日記,今天的Xanga少年已經比當年的我長進多了。

互聯網有一處陷阱,就是我們往往只能夠看到其文,而看不到其人。記得早年揀電影看,我會先到一些論壇探探口碑。眾人大讚的電影,我看完覺得不是味兒。撞得板多,究其原因,就是忽略了對方的背景。現實生活,小孩子向我推介卡通片,我或者會不以為然,慈祥地笑一笑。但網上的言論,我們一般都對作者不熟悉。因為不熟悉,很自然誤把對方與自己看齊,容忍度驟減,遇到不順眼的意見,便會不問誰人,小腦條件反射地吵起來。

曾經在某個青少年的聊天室看過兩位仁兄激辯,一個是大學生,另一個卻是初中生。現實生活看不到的荒謬事情,互聯網都有可能發生。回想以前我也戇諤諤參與過一些無聊的網上罵戰,對方素未謀面,也可能只是一名初中生。

「豈有豪情似舊時,花開花落兩由之。」

今天我們潛意識對Xanga嗤之以鼻,但如果我還是一個中學生,我相信我也會混在Xanga裡一句一行地打日記。其實人性總有點陰暗面,偽善自負沒問題,不過衝著Xanga「屈機」,勝豬不武 =V=

相關連結:我看Blog

9 comments:

Andy said...

hi, 講得好! 我n年前黎過, 好高興搵番e個blog :)

Anonymous said...

其實到而家自己畢左業好耐都會寫Xanga*
唔止點解啦,打Xanga總比打其他日記更新快

可能因為Tracker可以完全無壓力睇邊個入你個Blog睇;
可能因為有得訂閱睇朋友仔既生活;
仲有好多可能性,但,Xanga同日記真係分唔到手......

呢個可能就係個人覺得佢唔算係100% Blog既原因*

Anonymous said...

就是因為網上不知道對方的學历、性別等等,所以大家才可以公平對待。雖然這有賴網友的質素,但我只能這樣希望 ^_^

不要小看「小朋友」,筆戰的話成人未必勝過「小朋友」,這是經驗問題,未必要年齡成正比

Anonymous said...

對啊,人比人都比死了,何況寫blog?
怎麼比呢!
我也認為blog「不只」是日記那麼簡單的,
可是,blog卻也可以是日記!
blog的功能多著,實在不宜太多框架!

第一次來,有禮,有禮!^^

said...

唔。從前香港Blogosphere也有過類似事件, 也有Blogger寫過與你這篇類似的文, 不過當時是所謂的公海對陣Hompy, 公海強勢Hompy弱勢。現今風水輪流轉, 我在旁看了也覺得有趣。

eyer said...

歡迎(再次)光臨 me casa su casa

xanga有d功能真係幾好,尤其適合大班朋友聯誼,其他BSP都應該抄考下。至於xanga係唔係100% Blog,呢d都係感覺歸感覺。

我草稿都有寫「不敢輕看小孩」,不過覺得寫得唔好兼有損文氣就費時畫蛇添足。經驗知識多少講閱歷,不過最重要的創意就不限年齡。至於知唔知對方係乜水,我就覺得有辣有唔辣:對方寫得好,我地就唔會以貌取文。寫得唔好,就好易睇唔過眼走火(你都知網上好多憤青)。仲有就係始終時間有限,有時都要偏見一點揀擇。

有時睇到人地傻,諗起自己都傻過,就真係無乜好比較。況且就算同人講都無用,做人始終要自己經歷過先會有所體會。

「不如向, 簾兒底下, 聽人笑語。」

imak said...

近日很多sina bloggers 都在談論這個話題, 但個人覺得blogging 就如穿衣一樣, 人人都有自己一套審美眼光, style取向各有不同, 沒有對與錯, 就只有適合自己與否.
像我這一把年紀, 讀起少年日記, 故然覺得乏味無趣; 要我去寫流水日記, 也自覺浪費時間 (sorry, 絕無judging 的意思, 這就是代溝).

said...

講到筆戰, 也許你不知, 如今世風日下囉! 年長的, 會因為自己的年齡較大, 而自居老餅﹑長輩, 寫不過人時, 就用年齡來壓人囉!

eyer said...

有judging意思也沒問題,人總要有點立場個性先可愛,只要唔好死牛一面頸就得。依家我地批評xanga,多少係有d自我脹大,因為佢地根本就采你有味。佢地寫得「差」我地唔睇。我地寫得「好」佢地亦唔會睇。不過我間中都會睇下佢地寫d乜,學下野架。

我當然知道有用年齡來壓人這回事,亦認為係最差勁的理由。以前都經常聽d大人講食鹽多過你食米,自己當時都左耳入右耳出,到自己大左同d細路講咪一樣無Q用。不過有d事情對方未經歷過真係好難解釋。我早前寫過《不可理喻的問題》http://eyer.blogspot.com/2006/11/undebatable-question.html,就係指出對方欠缺理性的話,就唔好妄想同佢深入討論問題,青春有限。