Saturday, April 28, 2007

小甜甜 Candy Candy

從前看過大堆自救類型的書藉,例如心靈EQ、成功之道、人際關係。某天如夢初醒,想到寫這些書的人也未必成功,而讀的人則總是失敗者,難道李嘉誠也會花時間看這類書嗎?什麼都假,理論五花八門,擒賊先擒王,關鍵在於性格。

寫blog的朋友都希望增加人流,我讀過市場學,第一時間想到的不是寫好文章,而是搞好宣傳。與一些大blog友閒談,他們都說自己純粹隨心而寫,不會刻意搞宣傳。但於我的理解,他們的行為卻盡是宣傳。他們往往花大量時間瀏覽別人的blog,把blog當作留言版,甚至出席一些blog的聚會。是的,我所認識最踏實的宣傳就是建立關係。他們不以為然,皆因他們都是謙謙君子,天生的people person,這就是性格。

香港少女十居八九性格沈鬱消極,可能聽得太多流行曲。其實女人不需要很漂亮、很聰明。像甜甜那樣開朗樂天,已是最美的性格。

活潑天真不願變 獻出心中溫暖
良善趣怪惹人愛 成朝走到晚我不倦
面上雀班一點點 真真得意
圓圓鼻 最有趣 扁得岩線
悶就唱歌 悶就大笑 沒事做最討厭
忘形地笑自然沒困倦 望著鏡子笑萬遍
甜甜地笑人活力再現 若伴著愛心更自然
再見了 不開心 將悲哀化做煙
我要看見理想願望實現 比心機小甜甜

7 comments:

啊澤 said...

死喇

我成日過黎

你會唔話搞我宣傳架?

新鮮人 said...

我又黎搞『宣傳』了! :p

無錯,我都好喜歡成日笑咪咪的女生喎,
點都好過啲黑口黑面架啦! :)

kristie said...

你留言呢幾位fans呀,全部都係由我邊過黎架,你應該要俾番d佣金我啦.嬲記仲話發覺我寫文方式係抄你喎(無聊野伸展到講道理),點計先????

其實我入黎係想講小忌廉好過小甜甜,小甜甜係要仔爭自己o個種壞女仔,唔好,唔好.

Anonymous said...

您會唔會話我係黎宣傳ga...-_-"

o係現實中要做小甜甜好難的...
因為小甜甜真係有種人見人愛的感覺

Anonymous said...

嬲, 我好簡單,因為無能力挖人地個心黎睇動機,諗得太多又會神經衰弱。所以別人對我好既言行,我會全盤接受。對我壞的言行,我先會諗下佢背後有冇乜野苦衷。我覺得你地過黎只會教精我,感謝呀。

鮮, 係呀,同笑咪咪既女生一齊,自己都會開心d。又可能因為大部份女生都唔識tum男生,笑咪咪已經係最好既tum。

krisbo, 我都成日去佢地度架,咁你可以食兩家茶禮啦,但點解過黎既都係「仔」既。我又唔覺你抄我,反而覺得我寫d野越黎越無聊。不過曾經都覺得有少少共同處,就係大家既句子結構都有d抄英文既造句格式。「要仔爭自己既壞女仔」咁深既哲理你咁早就識好難得,不過太細個識未必好,可能會受苦。另外小忌廉係會令男人想入非非有性衝動,而小甜甜就俾人一種輕鬆愉快既寧樂。

雞雞, 「宣傳」只係從市場學角度既choice of words。人際關係多d交往多d人情味,我諗始終都係好事。我都覺甜甜有種人見人愛既感覺,但又真係好難。印象中越接近得大自然多既人都比較開朗。

winking said...

哈,EyEr叔,講起小甜甜就火喇,細細個睇卡通,我已經憎到佢死啦...對於嗰種飽受欺凌Cinderella式嘅可憐女角色,我睇親都想作嘔,心裡非常不爽...-_-

仲有小甜甜係剋夫格,安東尼咪為咗佢墜馬身亡囉...(if我冇記錯嘅話...)

Anonymous said...

剋夫格係正野,死於溫暖鄉,夫復何求!