The day after tomorrow (2004) 明日之後

今日先睇，都算遲。這樣的大片，遲睇好難避免聽落不少劇情，但都好睇，hollywood娛樂特技無出其右，美國霸權再一次彰顯。影評很多人講過，都講得好，咁就隨心寫多少。災難片通常主線講愛情，因為「巨難同當」係浪漫的激素，但呢部片講愛情就差d。主線父子情亦唔多入肉，可能橋太舊。應承左會黎就會黎，言出必行，儘管千冰萬霜，又玩美國精神，幾堆砌，唔自然。呢套戲布局一般，感情線麻麻，但勝在末日概念新鮮，夠照。另外睇呢類片過癮的地方就是看到人類文明受摧毀，有時幾羨慕美國人可以睇到自己家園被模擬破壞的場景。美國就有呢種自由既胸襟，先天下之憂而憂的務實.....

戲中談到Nietzsche，原來佢曾經寫過句野係"Only the day after tomorrow belongs to me"，應該係點題由來。女配角話佢係chauvinist pig，點解要咁話佢呢？Nietzsche好似主章人類不應僭越自然，得閒睇下關於佢既書先，費時亂講野。