Sunday, April 22, 2007

流言終結者(一)死人篇

佬最沒情趣,什麼雞毛蒜皮的瑣事總要尋根究底。還是中國人有智慧,身為炎黃子孫,一句「寧可信其有,不可信其冇」,其它大道理都不用多講。神說:「要有光」,就有了光。我說:「我愛妳」,我就愛妳。

探索頻道的節目《流言終結者》就是雞蛋挑骨頭的表表者。主持Adam和Jamie具多年特技效果制作經驗,自設工場,遇到什麼人云亦云的坊間傳言,便會不惜工本以牛刀割雞小事化大作實驗踢爆。好在女人不看這類節目,否則男人的心囊皆會被挖空。

以下是節目《流言終結者》的一些內容:

旋轉吊扇可以砍斷人頭?
Busted. 一般美式家用仿木吊扇傷害不大。而工業用的高速鐵吊扇則有可能致命,但皆不能砍斷人頭。

泡泡浴時電器掉進浴缸會被電死。
Confirmed. 風筒、多士爐、熨斗等電器掉進水裡皆能漏電致命,除非電器設有自動斷路保險功能。

失足掉進流沙,越掙扎越沈得快?
Busted. 流沙比水的浮力還高。

大海裡的旋渦能將人生吞?
Plausible. 大旋渦絕對可以將人生吞,就算唔死都會頭暈嘔吐。

從大頂樓擲毫子落街中頭獎會死人?
Busted. 風阻及氣流抵消了毫子的加速,最多只會受傷,死不了人。

紋身者做磁力共振,因為紋身顏料含鐵質,他的紋身會爆炸?
Busted. 紋身部位對儀器讀取數據有輕微影響,但不會爆炸。

提著一大塊木板,乘著風勢從高處飛下可以順氣流安全著地。
Busted,木板反而增加總重量,死多兩錢重。

中國古代的水滴酷刑,讓水點慢慢涓滴在額頭上,這酷刑管用嗎?
Confirmed. 時間長的話,真是人都癲。

搭飛機,氣壓下降會使隆胸的矽膠乳房爆炸?
Busted. 無這件事,大家可以放心隆胸。

一種大約5-9Hz的音波(brown note)能夠使人失禁?
Busted. 絕對能夠使人煩擾,卻與屎尿無關。

放金屬入微波爐然後開著,微波爐會爆炸?
Busted. 可能導致火花或火警,但不會爆炸。

曬得日光燈多會燒熟內臟?
Busted.

相關連結:
流言終結者(一)死人篇
流言終結者(二)武器篇
流言終結者(三)食物篇
流言終結者(四)汽車篇
流言終結者(五)終結篇
瘋狂實驗室 Mad Labs
另外,wiki更有每一季《流言終結者》的實驗結果

11 comments:

kristie said...

我好鍾意睇呢個節目呀,我仲鍾意一邊睇一邊問梁生呢d係咪你地engineer最理想既工作?然後仲笑佢實無機會做.

Anonymous said...

咁你有冇時不時問下梁生愛唔愛你,仲要挖佢個心出黎睇下係唔係真。

kristie said...

我份人又自大又自私,唔會問人愛唔愛我,只會問人點解愛我,問黎仲要係因為純粹想聽下人讚我.我挖對方個心出黎佢瓜左又要再搵第二個讚我,太浪費時間,制唔過呀.

新鮮人 said...

好正喎,
啱哂啲食飽無憂米嘅人玩喎,
不過有時有啲發明就係咁樣出現架! :p

Anonymous said...

krisby, 尋常女子應該唔會自戀到呢個地步,顯然係你已經食滑左梁生,亦反映梁生愛護有加,行為上已經盡展愛意,安使你不用多此一問。講番個節目,不如你寫信叫佢地炒Q左個肥妹仔同日本仔,叫佢地兼顧下大中華市場,由你地夫妻檔上陣,再係劇中穿插幾句高水平gag,咁就肯定收視爆燈。

鮮鮮人, 呢個節目真係無野搵野黎做。好多實驗其實事前都可以諗到個結果。不過又唔得唔服鬼佬既求真文化。

冬冬 said...

哈! 我都有睇呢個節目。。。不過自從同ex分手後已冇再睇﹐觸感傷情呀。。。唔係個個都好似krisby貢好彩~ :P

Anonymous said...

冬兒, 嗯,開呢個post變相俾佢用左黎曬幸福orz。另外你依家都好似有個少爺啦,好既唔去,更好既又邊會黎呢。

啊澤 said...

不要炒那肥妹 >.<

她是節目内唯一女人!!

Anonymous said...

咁依家換件更索既取代肥妹嘛kakaka。講開肥妹,劇中班麻甩佬個個都好錫佢,搞到佢成日覺得自己好正咁。

Anonymous said...

失足掉進流沙,越掙扎越沈得快?
Busted. 流沙比水的浮力還高。
==> Busted? 我一直以來都以為是Comfirmed.

講起失足掉進流沙, 這年頭的電影已經少見, 不像小時候看的電影, 常常行經野外就要來個陷入流沙的意外, 尤其是去到沙漠就更不可免了。蠻好玩的心情, 即知道它其實老套, 又還是有些驚有些緊張的看這戲劇性的一段。

前年再看"阿拉伯的勞倫斯",又重溫過一回所謂老套中的經典。

Anonymous said...

這裡講的流沙屬於沼澤濕地裡的,即是沙粒混了適量的水,否則沙就不流了。至於沙漠裡的流沙是否同類型我就不清楚,沙漠可沒有那麼多水呢。"阿拉伯的勞倫斯"我也看過,好戲呀。